सोमवार, १९ जुलै, २०१०

एक लहान मुलगा हरवलाय...

एक लहान मुलगा हरवलाय.....
झाली असतील दहा-पंधरा वर्षं!
    तेव्हापासून शोधतोय त्याला..
   सापडतच नाही!
तो होता तेव्हा त्याचं आणि माझं विश्व किती छान होतं!
तो म्हणजे प्रचंड उर्जा! प्रचंड सळसळ! प्रचंड उत्साह! शून्य कपटीपणा, निर्व्याज वागणं! हरवला.......
मी त्याला कॉलेजला जाणा-या मुलांमध्ये शोधतो.
मी त्याला नोकरी शोधणा-या मुलांमध्ये शोधतो.
मी त्याला घरापासून दूर राहणा-या मुलांमध्ये शोधतो.
मी त्याला त्याची वाट बघणा-या आईबाबांच्या डोळ्यांमध्ये शोधतो.
मित्रांच्या घोळक्यात शोधतो,
नाक्यावरच्या टोळक्यात शोधतो.
बाजारात शोधतो,
मंदिरात शोधतो.
नोटा-नाण्यात शोधतो, तेलाच्या घाण्यात शोधतो.
उसाच्या चरकात शोधतो, घाण्याच्या बैलात शोधतो.
कॉर्पोरेट कंपन्यात शोधतो, रस्त्यावरच्या कामगारात शोधतो.
चेहे-यावरच्या मुखवट्यात शोधतो, व्यवहाराच्या कपट्यात शोधतो......
      आणि खूपदा स्वत:च्या आत शोधतो......
अजून सापडत नाहीये!
      -प्लीज कुणीतरी शोधा रे त्याला!

8 comments:

हेरंब म्हणाले...

अप्रतिम.. खुपच सुरेख..

"एक लहान मुलगा हरवलाय" ही कल्पनाच जाम आवडली मला..

आदित्य चंद्रशेखर म्हणाले...

धन्यवाद हेरंब, अरे आपण असतो काय सगळे लहानपणी आणि मोठेपणी होतो काय! सगळे modify होतो. एकाच छापाच्या गणपतींसारखे, ओल्या मातीला कोण व्हावसं वाटतं हे कुणी विचारातच घेत नाही!

aativas म्हणाले...

Very interesting writeup!

मकरंद राऊत म्हणाले...

पोस्ट खूप छान झाली आहे.

Nachiket म्हणाले...

Great.. Now I am somehow able to put comment..

आदित्य चंद्रशेखर म्हणाले...

@मकरंद,अनिकेत, धन्यवाद!

Sagar Kokne म्हणाले...

सुंदर...ज्याला आपल्यातील लहानपणा जपता आला तो भाग्यवान ! प्रयत्न करत राहा...

आदित्य चंद्रशेखर म्हणाले...

धन्यवाद सागर!

टिप्पणी पोस्ट करा