मंगळवार, २ डिसेंबर, २००८

मनातलं गाणं मनातच गात गेलो..

पावसात आठवणींच्या मी न्हात गेलो,
मनातलं गाणं मनातच गात गेलो..
तू दिलेल्या जखमा आता भळभळतात,
मित्र म्हणवणारे मग खोटे हळहळतात,
तालात गायलो पण आयुष्याच्या सुरात गेलो,
मनातलं गाणं मनातच गात गेलो..
केव्हातरी जाग यायचीच होती,
केव्हातरी पहाट व्हायचीच होती,
मग कशासाठी आठवणींच्या धुक्यात गेलो?
मनातलं गाणं मनातच गात गेलो..
पहाटेच्या दवासारखे उडून गेलेत क्षण
मनाचा चटका आता जाळतो कण कण
शेवटी अश्रू बनून तुझ्या डबडबल्या डोळ्यात गेलो
मनातलं गाणं मनातच गात गेलो..
-आदित्य चंद्रशेखर


1 comments:

vrc म्हणाले...

good composition. Its really appriciable tha an engineer has such anice poetic mind. keep it up allow to bloom it further.

टिप्पणी पोस्ट करा