मंगळवार, १८ नोव्हेंबर, २००८

कधी वाटते असे मनी की

कधी वाटते असे मनी की,
असे काहीसे अवचित व्हावे
तुझ्या नि माझ्या एकसुराने
जीवनगाणे आकारा यावे...
दवात भिजल्या तृणपात्यावर,
रंग खुलावे प्रणयाचे,
धुंद तराणे गाताना
भान नसावे समयाचे..
झोकून द्यावे बेहोषीने
आनंदाच्या लाटेवरती
उधाण यावे आयुष्याला,
अन प्रेमाला यावी भरती...
स्वच्छंदी पाखराप्रमणे
गात फिरावे गीत रानभर
अन उमटावी तुझ्या मनीही
गीतामधली अबोल थरथर...
कधी वाटते असे मनी की,
असे काहीसे ठरवून व्हावे,
तुझ्या नयनीच्या डोहामध्यए,
मी कायमचे बुडून जावे...

-आदित्य चंद्रशेखर

0 comments:

टिप्पणी पोस्ट करा